Úloha 11.


                                        De erroribus Ulixis


Graeci, postquam urbem Troiam ceperunt, naves solverunt. Sed multi eorum tempestatibus disiecti
sunt. Imprimis Ulixes, rex Ithacorum, longis erroribus per maria actus est. Socii eius tauros et
oves Solis interfecerunt atque ad cenam paraverunt. Qua de causa in alto mari omnes naves Ulixis
fractae et socii eius mortui sunt. Ipse ad insulam Ogygiam pervenit, ubi nympha Calypso habitabat.
Quae  verbis blandis eum decipiebat, ut reditum neglegeret. Septem annos ille apud nympham vixit,
denique autem a Minerva dea monitus navem facere coepit et nympham destituit. Sed Neptunus mox
navem eius fregit. Ulixes fame et frigore confectus ad Phaeacum insulam actus est, qui eum bene
acceperunt. Paulo post¹ ab illis in patriam missus est.


¹ paulo post – něco málo potom