Senatus consultum de Bacchanalibus

   

   

   [Q.] Marcius L.f., S.Postumius L.f. co(n)s(ules) senatum consoluerunt n(onis) Octob(ribus)
   apud aedem | Duelonai. Sc(ribundo) arf(uerunt) M.Claudi(us) M.f., L. Valeri(us) P.f.,
   Q. Minuci(us) C.f.

        De Bacanalibus quei foideratei | esent, ita exdeicendum censuere : Neiquis eorum
   [B]acanal habuise uelet ; seiques | esent, quei sibei deicerent necesus ese Bacanal habere,
   eeis utei ad pr(aitorem) urbanum || Romam uenirent, deque eeis rebus, ubei eorum u[e]r[b]a
   audita essent, utei senatus | noster decerneret, dum ne minus senator<i>bus C adesent <quom
   e>a res consoleretur. | Bacas vir nequis adiese uelet ceiuis Romanus neue nominus Latini neue
   socium | quisquam, nisei pr(aitorem) urbanum adiesent isque de senatuos sententiad, dum ne |
   minus senatoribus C adesent, quom ea res cosoleretur, iousisent. Censuere.

        || Sacerdos nequis uir eset ; magister neque uir neque mulier quisquam eset ; | neue
   pecuniam quisquam eorum comoine[m h]abuise uelet ; neue magistratum | neue pro magistratu[d]
   neque uirum [neque mul]ierem qui<s>quam fecise uelet ; | neve posthac inter sed conioura[se
   neu]e comuouise neue conspondise | neue conpromesise uelet neue quisquam fidem inter sed
   dedise uelet. || Sacra in [o]quoltod ne quisquam fecise uelet, neue in poplicod neue in |
   preiuatod neue exstrad urbem sacra quisquam fecise uelet, nisei | p(raitorem) urbanum adieset,
   isque de senatuos sententiad, dum ne minus | senatoribus C adesent, quom ea res consoleretur,
   iousisent. Censuere. |

        Homines plous V oinuorsei uirei atque mulieres sacra ne quisquam || fecise uelet, neue
   inter ibei uirei plous duobus, mulieribus plous tribus | arfuise uelent, nisei de pr(aitoris)
   urbani senatuosque sententiad, utei suprad | scriptum est.

        Haice utei in couentionid exdeicatis ne minus trinum | noundinum, senatuosque sententiam
   utei scientes esetis, eorum | sententia ita fuit : sei ques esent, quei aruorsum ead fecisent
   quam suprad || scriptum est, eeis rem caputalem faciendam censuere ; atque utei | hoce in
   tabolam ahenam inceideretis, ita senatus aiquom censuit, | uteique eam figier ioubeatis, ubei
   facilumed gnoscier potisit ; atque | utei ea Bacanalia, sei qua sunt, exstrad quam sei quid
   ibei sacri est, | ita utei suprad scriptum est, in diebus X, quibus uobeis tabelai datai ||
   erunt, faciatis utei dismota sient. In agro Teurano.