De fastis

   Antiquissimis temporibus apud Romanos annus fuit decem mensium. Primo mensi nomen fuit
   Martius, quinto Quinctilis sive Quintilis, sexto Sextilis, septimo September, octavo October,
   nono November, decimo December. Numa Pompilius, rex Romanorum, numerum mensium duobus auxit
   (Ianuario et Februario). Anno a. C. n. quadragesimo sexto C. Iulius Caesar fastos correxit, id
   est annum ad cursum solis accommodavit, ut trecentorum sexaginta dierum quinque esset.

   Postea Romani Quintilem mensem Iulium, Sextilem Augustum nominaverunt. Iulio mensi nomen est a
   Iulio Caesare, Augusto ab Augusto imperatore.

   Primo mensis diei nomen fuit Kalendae, quinto Nonae, tertio decimo Idus; mensibus autem
   Martio, Maio, Iulio, Octobri septimo diei nomen fuit Nonae, Idus quinto decimo.

   

   

   

   Suetoni Tranquilii De vita caesarum – Vita Divi Iulii

   

   [40] Conversus hinc ad ordinandum rei publicae statum fastos correxit iam pridem vitio
   pontificum per intercalandi licentiam adeo turbatos, ut neque messium feriae aestate neque
   vindemiarum autumno conpeterent; annumque ad cursum solis accommodavit, ut trecentorum
   sexaginta quinque dierum esset et intercalario mense sublato unus dies quarto quoque anno
   intercalaretur. Quo autem magis in posterum ex Kalendis Ianuariis novis temporum ratio
   congrueret, inter Novembrem ac Decembrem mensem interiecit duos alios; fuitque is annus, quo
   haec constituebantur, quindecim mensium cum intercalario, qui ex consuetudine in eum annum
   inciderat.

   

   

   

   P. Ovidi Nasonis Fasti

   

   Liber primus

   Tempora cum causis Latium digesta per annum
   lapsaque sub terras ortaque signa canam.

   

   Liber tertius

   26. března – Jarní rovnodennost

   Tres ubi Luciferos veniens praemiserit Eos,
   tempora nocturnis aequa diurna feres.

   

   31. března – Slavnost Lúny

   Luna regit menses: huius quoque tempora mensis
   finit Aventino Luna colenda iugo.