(C.) # In nomine sanctę et induaduę[a] trinitatis Fridericus divina favente clementia Romanorum
rex augustus. #          Ex nostri culmine officii, si quę communi nituntur utilitati, eo obnixius
amplectimur, quo gravius incommodum neglecta minantur. Si enim res quelibet utilis soli ac
spetiali, quem respicit, homini prodest, communis ac generalis, si negligitur, omnibus obest,
presertim cum generalis detrimenti periculum communi ac spetiali simul noceat[b], commodum vero
cunctis universaliter assidue faveat. Veruntamen quamvis omni peticioni parati simus acquiescere,
quę ad usus hominum et ad utilitatem spectat ęcclesię, precipue tamen his obsecundare proponimus,
quorum[c] et in adversis sicut et in prosperis idem nobiscum est animus. Igitur super monetę
Basiliensium alteratione, quę sui viluit levitate, impuritate, tenuitate, dilecti nostri
Ortliebi[d] Basiliensis episcopi, principum etiam, cleri[e] simul et[f] populi^e iustis
postulationibus assensum prebemus, ut pondere puritate in melius mutata eadem et in inviolata in
predictis permaneat[g] omni tempore statuentes, ut nec prefatus episopus nullusve successorum eius
in prenominatis eam alterare presumat nullusve extra civitatem in episcopio suo consimili
inpressione eam imitari audeat. Quod si forte inventus fuerit, nullus inquam prossus[h] talem
violatorem apud se manere toleret, sed maiori reservatum iudicio diocesano, quem lesit, tradat
episcopo. In civitatibus autem[i] seu in castris sive etiam villis, ubi talis contaminator latitare
prescitus fuerit, divina censent[j] ministeria, ut, cuius causa homines laborant generali dampno,
iusto dei iudicio divinis[k] careant eiusdem contagio. Addimus etiam, quod[l], si quis contumatia
ductus hoc privigelium[m] confirmationis nostrę violaverit, banno regali subiaceat et centum libras
auri componat, medietatem [ca]merę[n] nostrę et alteram medietatem predictę ęcclesię. Huius rei
testes sunt: Burchardus Argentinensis episcopus, Co%vnradus Eistetensis[o] episcopus, Gunterus
Spirensis episcopus, Sibertus comes Franthenburc, Ovlricus[p] comes de Lenzburc.

# Signum domini Friderici Romanorum (M.) regis invictissimi. #

Ego Zezicolfus cancellarius vice Arnoldi Mogontini archiepiscopi et archicancellarii
recognovi.         (SI.1.)



________________________________

[a] so A statt individuę

[b] o aus u verb.

[c] -rum-Kürzung verb.

[d] erstes i über l von gleicher Hand nachgetragen

[e]^-e so durch Verweispunkte aus cleri et populi simul umgestellt

[f] zwischen diesem und dem folgenden Wort etwas breiterer Wortabstand infolge eines Lochs im
Pergament

[g] über eat dunkler Fleck

[h] so A statt prorsus

[i] a verb.

[j] so A statt cessent

[k] d wohl aus a verb.

[l] Unterschaft des q durch Loch im Pergament zerstört

[m] so A statt privilegium

[n] durch Loch im Pergament zerstört

[o] erstes i wohl aus t verb.

[p] Ov übereinander geschrieben.