[1421, říjen 20]  – Uherský Brod


Římský, uherský a český král Zikmund informuje svého zetě [rakouského vévodu Albrechta V.]  o
bojích proti husitům na východní Moravě a ve východních Čechách, ptá se jej, kde se momentálně
nachází, a připomíná, že s ním počítá pro vojenské tažení do Čech.


Sigmund von gots gnaden Römischer künig zu allen zeiten

merer des reichs und zu Vngern, zu Behem etc, kunig.


Hochgeborner lieber sun und furste! Wir lassen dein lieb wissen, als wir unsers heres ainen tail
mit ettleichen baniren vor uns mit puchssen, pulver und anderm geczeug die veind zenötten gehörnt
gesandt hatten und sich ettwe verr ein halbe meil von dem Vngrischen Brod gelegert hatten, also
haben sich die Hussen, nemleich des von Straznicz und Hasken von Ostrow volk, gesamet und haben die
unsern übernacht übervallen. Doch hat got der almechtig den unsern geholffen, daz wir der unsern
wenig verlorn haben und daz sy das velde behalten haben. Was aber der Hussen gewest ist, die sind
all erslagen, ausgenomen, die entrunnen sind. Und ob deiner lieb yemant anders fürpringen wurde,
das wellest nicht gelauben, sunder uns ist da ettwas schaden geschehen an pulver und an ettleichen
wegen, das wir uns klain scheczen. Aber wir ziehen dennoch für uns und wir wellen unsern sachen
nachgeen gen unsern veindten den Hussen, als wir die nů angevangen haben, und wir getrawn dir, du
werdest dich gen in als unser lieber sun beweisen. Auch begern wir sunderleich ze wissen, wa dein
lieb mit deinem here sey oder was du dich zůtund vervangen hast, wan wir bisher von deiner lieb
nichts gewisse vernomen haben und wir wolten mit deiner lieb gar gern zusamen komen. Darumb wellest
uns all dein lewff unverczogenleich embieten. Auch wisse, daz der bischof von Olomuncz und der Pipo
ain sunder veld zu Merhen haben. So hat der bischof von Breslaw mit herczog Rumpolten und andern
fursten und unsern getrewn auch ain besunder velde, die die stat Landscron, Sampach das haws,
Zwittaw die stat und – als wir maynen – Lewthomissel nů eingenomen und zu unser gehorsam gepracht
haben. Und was uns nů furbas begegnen wirdet, das wellen wir dich alczeit wissen lassen. Geben zum
Vngrischen Brod am montag nach sand Lucas tag unser reich etc.


Soudobý opis, papír; uloženo v Magyar Országos leveltár, sign. DL 48 106. Regest otištěn v ZsO
VIII, s. 325–326, č. 1070.