De patria nostra

Patria nostra, quae Bohemia appellatur, medium fere locum Europae tenet. Haec non est terra magna,
sed pulchra. Hic  agros et hortos bene cultos vides, prata cum floribus, silvas amoenas, fluvios
piscium plenos. Incolae laboriosi et ingenui sunt. Si patriam nostram peragrabis, urbes claras et
vicos parvas videbis . Fora urbium antiquis statuis et monumentis ornantur.

Inter urbes Bohemiae prima est Praga, olim caput regni. Apud poetas et scriptores Praga aurea,
vetusta atque turrita appellatur.

Patria nostra a multis scriptoribus celebratur. In libris eorum clara historia pariter ac tempora
nostra describuntur. Medio aevo plerique scriptores libros suos Latine scribebant. Cosmae Chronica
Boemorum et Aeneae Silvii (Piccolomini) Historia Bohemica etiam nostris temporibus leguntur. Suntne
hi libri vobis noti?