Carmen 48
Iuventiovi
Mellitos oculos tuos, Iuventi,
si quis me sinat usque basiare,
usque ad milia basiem trecenta
nec numquam videar satur futurus,
non si densior aridis aristis
sit nostrae seges osculationis.
Carmen 58
Katulova stížnost příteli na Lesbii
Caeli, Lesbia nostra, Lesbia illa.
illa Lesbia, quam Catullus unam
plus quam se atque suos amavit omnes,
nunc in quadriviis et angiportis
glubit magnanimi Remi nepotes.
Carmen 85
Odi et amo. quare id faciam, fortasse requiris.
nescio, sed fieri sentio et excrucior.
Carmen 87
Nulla potest mulier tantum se dicere amatam
vere, quantum a me Lesbia amata mea est.
Nulla fides ullo fuit umquam <in> foedere tanta,
quanta in amore tuo ex parte reperta mea est.
Carmen 93
Na Caesara
Nil nimium studeo, Caesar, tibi velle placere,
nec scire utrum sis albus an ater homo.