ln nomine Domini nostri Hiesu Cristi. Amen. Premilz miseracione divina marchio
Moravie monasterio beate Marie Virginis in Lutomisl fratribusque Deo
famulantibus ibidem in perpetuum.
Cum primo loco regnum Dei querere debeamus, ut bonorum multiplicetur
adiectio, sollerter et summopere invigilandum est operibus caritatis, ut pro
conparandis spiritualibus in pios usus et iustas causas bona tempolaria
convertamus.
Universis itaque modernis ac posteris scripti huius apices inspecturis presencium
exhibicione clarescat, quoniam ecclesiam sancte Marie in Lutomisl beneficio
gracie specialis decorandam duximus et augendam, ita videlicet, ut omnia bona
eius acquisita ct acqurenda, que in terra nostra possidet uel adhuc possessura est,
et precipue villa Pametiz, ab omnibus serviciis consuetudinariis, novis seu
veteribus necnon aliis gravaminibus, quocunque nomine censeantur, sint perpetuo
libera et exempta secundum tenorem privilegiorum, que Veligradensi ecclesie
duximus conferenda. Contulimus eciam eidem ecclesie in Lutomisl ius
patronatus, quod in ecclesia Ywanoviz habebamus, adicientes, ut homines prefati
monasterii per omnia thelonea terre nostre sine aliqua solucione transeant liberi et
securi.
Ut autem hec pagina nostre concessionis robur obtineat perpetue firmitatis,
presens scriptum sigilli nostri munimine decrevimus insigniri testium
subscripcione adhibita, quorum sunt nomina subarata: Robertus Olomucensis
episcopus, Gerlagus, abbas Gradisensis, Wocko burgrauius, Szemizlaus
camerarius, Ones, Victor, Blud, Bohuzlaus magister venatorum Olomucenses,
Dyius filius Petri, Woytech de Medlow, Stiborius, Wocko subcamerarius, Zezema
subpincerna, Hartlebus subdapifer, Bochko marscalcus, Wilhalmus phisicus,
Conradus scriba Brennensis, Hiernricus, Vfsezlaus, Helias, sacerdotes, Symon,
Mylos diaconi.