Iohannes, Dei gratia Pragensis episcopus, honorabilibus viris .. abbati et conventui monasterii
Breunouensis, ordinis sancti Benedicti, nostre dyocesis, salutem et sinceram in Domino caritatem.
Cum a nobis petitur, quod iustum est, tam vigor iuris quam ordo postulat rationis, ut id ad
exauditionis gratiam admittere debeamus. Eapropter fratres et filii in Christo dilecti, vestris
iustis et rationabilibus petitionibus favolabiliter inclinati, statutum et ordinationem ac
provisionem per venerabiles viros lacobum prepositum, Witum decanum et totum Pragensis ecclesie
capitulum de assensu nostro provide factam ac licite, per quam disponitur ac etiam ordinatur ex
causa rationabili et honesta, ut decetero annis singulis in perpetuum domino episcopo innocentum
eiusdem Pragensis ecclesie et ipsis innocentibus ac eorum sociis omnibus pro expensis, que eis in
monasterio vestro dari consueverant, una die pro quolibet anno non nisi fertonem argenti boni in
ultima ebdomata ante festum Nativitatis Domini dare tenemini, assignando eum procuratori prefati
episcopi vel magistro puerorum, quo episcopus, innocentes et socii ipsorum predicti omnes et
singuli debent esse contenti, nisi vos, domine abbas, vel aliquis ex successoribus vestris, in
predicto termino premissam quantitatem peccunie dare neglexeritis et etiam assignare in tempore
constituto, prout premisimus et in litteris dictorum prepositi, decani et capituli Pragensium super
hoc editis et sigillo ipsius Pragensis ecclesie roboratis ac vobis et vestro monasterio assignatis,
quas nos vidimus et legimus, plenius continetur, autoritate, qua fungimur, ex certa sciencia
confirmamus et presentis scripti patrocinio communimus. Nulli ergo omnino hominum liceat hanc
nostre confirmationis paginam infringere et ei ausu temerario contraire. Si quis autem hoc
attemptare presumpserit, indignationem omnipotentis dei et beatorum Witi, Wenceslai atque Adalberti
martyrum et nostram se noverit incursurum. Datum Prage per manum Petri, notarii nostri, anno Domini
MoCCoLXoVIIo, in die Siluestri pape et confessoris, indictioned decima, pontificatus vero nostri
anno nono.