Excerpta ex MGH - Monumenta Germaniae Historica - Brepols

                                      FREDEGARIUS SCHOLASTICUS

                               Chronicarum libri IV, SS rer. Merov. 2

   2. 62 (Daras)

   Iustinianus, priusquam temporibus Iustini imperatore regnum adsumerit, cum esset comex
   cartarum et Bellessarius comex aestabolarius, erantque ab invicem nimia delictione amplexi,
   iurantes sibi, quantum cuiusquam ex his causa proficerit, pare sempiternam fidem servarit. Cum
   quadam die cum duas germanas de lopanar electas ex genere Amazonas sibi cumcubito meridiae sub
   quasdam arboris in pomario senior Antonia cum Iustiniano discubuisset, Iustiniano sopore
   oppraesso, sol declinans capud eius incaluit. Veniens aquila divino noto, eodem dormiente,
   calorem solis extinsis alis obumbrabat. Quod cum, Antonia vigilante, fuisset repertum, sperans
   hoc signum, Iustinianus imperium adsumerit, expertum a somno, dicens ei: 'Si imperatur
   effectus fueris, erit digna ancilla tua tibi concubito'. Et ille subridens, cum ei fuisset
   difficile hoc esse honore dignum, dixit ad eam: 'Si imperatur effectus fuero, tu mihi eris
   agusta'. Commutantis ab invicem anolis, ait Iustinianus ad Bellesarium: 'Scias inter me et
   Antunia placuisse, si ego efficior imperatur, ipsa sit mihi agusta. Anolis commutantis hoc
   foedus inivimus'. Dixitque Antunia: 'Si soror mea tibi agusta, ego Bellesario matrona
   efficiar'. Dicensque Bellesarius divino noto: 'Si Antunia agusta efficitur, tu estratus mei
   matrimonium sociaris'. Idemque anolis commutandis abierunt. Nec multo post tempore Iustinus
   imperator bellum in Persis movit; quod cum Calcedona transisset, morbo perit. Consenso senato
   et militum elevatus est Iustinianus in regnum. Oppraesso rege Persarum, cum vinctum tenerit,
   in cathedram quasi honorifice sedere iussit, quaerens ei civitatis et provincias rei publice
   restituendas; factisque, pactionis vinculum firmarit. Et ille respondebat: 'Non dabo'.
   Iustinianus dicebat: 'Daras'. Ob hoc loco illo, ubi haec acta sunt, civetas nomen Daras
   fundata est iusso Iustiniano, quae usque hodiernum diem hoc nomen nuncopatur. Post receptas
   provincias et civitatis plurimas, quae a rege huiuscemodi ordine Iustinianus suae dicione
   adsumserat, omnibusque firmatis, permisit eum in Persas regnum recipere. Revertens Iustinianus
   cum magno triumpho Constantinopole, sedem tenens imperiae, Antunia, sumtis secum quinque
   aureis, duos dedit hostiariis, permissa est introire palatio; tres dedit ad tenentis velum, ut
   sua causa permitteretur suggerere, dicens ad Iustinianum: 'Clementissime imperator, iuvenis
   aliqui in hanc civitatem dedit mihi anolum in sponsaliae arras et meum sibi accepit,
   promittens et sacramento firmans, aliam non nuerit, sed me haberit uxorem. Dilatatur haec
   causa. Quod iobis, piissime imperator, ut fiat?' Dixitque Iustinianus: 'Non liceat hanc
   promissionem, si facta est, mutare'. Tunc illa porrigens anolum: 'Dominus cognuscat, cuius
   fuisset anolus isti, et quis eum mihi dedit, tibi latere non potest'. Cumque cognuscens
   Iustinianus anolum quem dederat, recordatus suae promissione, iobit eam cobicolum intromitti,
   vestisque induae splendedis; suo aestratu in nomini agusti sociavit. Quod cum perlatum fuisset
   in populo, factione senatus vulgo clamitat: 'Domine emperator, redde muliere nostra'. Quod
   Iustinianus audiens, diligenter inquirens inicium factionis huius, duos ob hoc verbo iubet
   senatores interfeci. Omnes quiaeverunt in posterum, ne quisquam audebat exinde verbo proferre.
   Accipit et Bellesarius Antoninam uxorem.

   2. 58 (Adarrabo)

   Ducitque eum Alaricus in crastinum, suos ostendens thesauros et cum sacramento dicens, amplius
   soledus non haberit, quam ad praesens arcis plenis ostenderit. Ubi Paternus unum soledum de
   pugno extrahens suum, proiecit, dicens: 'Hos solidos adarrabo ad partem dominae mei Chlodovei
   regis et Francis'. Revertens ad Chlodoveo, narrans per singula, Chlodoveus adversus Alaricum
   arma commovit, quem in campania Voglavensem decimo ab urbe Pectava miliario interfecit, et
   maximam partem exercitus Ghothorum inibi gladium trucidavit, regnumque eius a Legere fluvium
   et Rodanum per mare Terrenum et montes Pereneos usque Ocianum mare abstulit, quod hodiaeque
   dicione condigno permanet ad regnum Francorum.