1372 nov. 20. Pirna.


Karolus Quartus, divina favente clemencia Romanorum imperator semper augustus et Boemie rex,
hono||rabili Stephano, notario terre, ac eciam nobilibus beneficiariis regni Boemie, fidelibus suis
dilectis, ||graciam suam et omne bonum.        Quia venerabili Petro, Magdeburgensi archiepiscopo,
principi consiliario et devoto || nostro, de singularis nostre munificencia gracie indulsimus, ut
ipse per se vel alium officialem suum, cui hoc conmittendum duxerit, pro monasterio prope Karlskron
ordinis canonicorum regularium, quod alias, dum adhuc Luthomusslensis esset episcopus, inchoasse et
fundasse dinoscitur, quinquaginta marcas annui census in regno nostro Boemie, ubicunque et apud
quascunque personas repperire poterit, emere et comparare et eidem monasterio applicare valeat
atque possit, idcirco fidelitati vestre conmittimus et iniungimus presentibus speciose volentes,
quatenus eidem monasterio quinquaginta marcarum census huiusmodi, dum ipsas comparaverit, ad
requisicionem predictorum suorum officialium iuxta morem et ritum regni Boemie intabulare et ad
terre tabulas ponere sine difficultate qualibet debeatis, sicut indignacionem nostram volueritis
evitare.      Datum Pirnis die XX. Novembris, regnorum nostrorum anno vicesimoseptimo, imperii vero
decimooctavo.




                                        1381 iul. 1. s. l.


‡In‡ nomine Domini amen.                   Nos Nicolaus prepositus totusque conventus dominorum
canonicorum regularium monasterii sancte Marie in Rudnicz || et Henricus prepositus simulque
conventus canonicorum eiusdem ordinis sanctorum Nicolai et Katherine in Lanczkrona ad noticiam
futurorum || deducimus per presentes, quod cum sacro swadente eloguio debeamus orare pro invicem,
ut salvemur, presertim cum nobis fructum exaudicionis || nostre de omni re, quam pecierimus, a
Patre celesti et in consensu duorum in unum ipsa Veritas repromittat, hic est, quod nos memorati
cupientes in unione ea, que nunquam excidet, caritate mutua copulari de unanimi consensu omnium
nostrorum et concordi voluntate fraternitatem perpetuam ad invicem facimus et contrahimus per
presentes. Atque in reddendis et solvendis inter nos omnibus beneficiis et suffragiis, que quilibet
nostrum pro personis defunctis domorum suarum ex ordine suo facere conswevit, singulariter pro uno
quoque nostrum, postquam obitus ipsius denuncciatus fuerit, specialiter vicissim nos constringimus
et pariter obligamur, volentes id ipsum per nos et successores nostros perpetuo et irrefragabiliter
observari, hiis dumtaxat exceptis, scilicet vigiliis cantandis, psalterio nocturnali necnon
tercenario et capitulari disciplina, in quibus et per que decrevimus nos nullatenus onerandos. Ne
autem quisque nostrum de ignorancia huiusmodi se valeat excusare, presentes literas duplicari
iussimus et sigillorum domorum nostrarum predictarum munimine roborari in testimonium premissorum.
        Datum et actum anno Domini millesimo C^oC^oC^o LXXXI^o, die prima mensis Iulii.